Anonyme [1652 [?]], LE SECRET DE LA RETRAITE DE MONSEIGNEVR LE PRINCE. Contenant vne fidelle & courte deduction de toutes les intrigues qu’on a joué dans l’Estat depuis son eslargissement; iusqu’à l’arrest de proscription donné contre le Cardinal Mazarin. , françaisRéférence RIM : M0_3628. Cote locale : B_7_4.
-- 8 --
President, ce que M. le Duc d’Orleans n’ayant pas
trouué bon, en communique auec M. le Prince,
qu’on croyoit estre le meilleur amy de ce nouueau
Garde des Sceaux, mais M. le Prince s’vnissant
de volonté à son Altesse Royalle, & ayant
proposé de remettre les Sceaux entre les mains de
Monsieur le Chancellier à qui on les auoit ostez à
son occasion, on trouua iuste de les luy rendre,
tant pour contenter M. le Prince que pour le
des-vnir d’auec Monsieur le premier President
auec qui on la veu tousiours mal depuis Neantmoins
comme la Reyne ne declaroit pas encor sa
volonté la dessus, Monsieur le Coadjuteur alla
trouuer M. le Prince & luy proposa vn moyen
qu’il croyoit fort conforme à la violence de son
humeur, que ce Prince pourtant rebuta auec
beaucoup de prudence. C’estoit de faire prendre
les armes aux Bourgeois, d’aller enleuer les
Sceaux des mains du premier President, & marcher
en suitte au Palais Royal, ce dessein, sur le
reffus que Monsieur le Prince en fit, ne fut pas
expliqué dauantage, mais enfin cette proposition
fut faite, soit que Monsieur le Coadjuteur
creust par là, gagner la faueur de Monseigneur le
Prince comme necessaire à ses desseins, soit que
ce fust vn artifice de Madame de Chevreuse pour
remuer & pousser Monsieur le Prince dans vn
|