leur dessein n’estoit que d’y venir chercher
la Paix ; qu’ils n’auoient aucun desir
d’y combatre, que contre celuy qui depuis
long temps en estoit l’empeschement,
& que l’Archiduc & leur Plenipotentiaire
n’auoient voulu accepter celle
qu’il leur auoit depuis peu offerte, preiugeant
bien que leur estant trop auantageuse,
elle ne pourroit estre de durée,
& que le traistre (c’est le nom dont ils
baptisent le Cardinal Mazarin) ne cherchoit
à venir à bout de ses pernicieux
desseins, que pour nous engager dans
vne plus cruelle guerre que la precedente.
Cette response me surprit grandement,
& la posterité aura peine de croire
que les Espagnols ayent eu tant de charité
pour les François, si elle n’est informée
que le Cardinal Mazarin en fut le
sujet.

Cette Armée a pour General le Comte
de Fuensaldaigne coniointemẽt auec
Monsieur le Marquis de Noirmonstier :