L’ADIEV DV SIEVR CATALAN,
enuoyé de saint Germain au sieur de la
Raillere dans la Bastille.
Monsieur, & cher Confrere.
Il y a desia quelques iours que i’ay appris vostre
emprisonnement dans la Bastille, cette nouuelle m’a
esté tres sensible, & i’ay crû vous deuoir dire le dernier
adieu par escrit, n’esperant pas vous le pouuoir
iamais dire de bouche ; car il n’y a pas d’apparence que
vous veniez à saint Germain, & moy ie n’ay garde
d’aller â Paris de mon consentement, que si l’on m’y
mene par violence, ie ne croy pas que nous nous puissions
voir, si ce n’est peut estre en greue, ou les Amis
n’ont pas loisir d’auoir vne longue conuersation, &
ou les dialogues ne le font qu’auec vn Confesseur, ou
auec maistre Guillaume. Vn Philosophe dira que le
nom d’Amis ne se doit pas donner aux meschans, &