Du Bos, Mathieu [?] [1651], LE MANIFESTE DE MONSEIGNEVR LE PRINCE DE CONDÉ TOVCHANT LES VERITABLES Raisons de sa Sortie hors de Paris, faite le 6. Iuillet 1651. Auec vne Protestation qu’il fait à la France, Qu’il n’en veut qu’à l’Ennemy commun de son repos, c’est à dire, Au Cardinal Mazarin. , françaisRéférence RIM : M0_2372. Cote locale : B_6_8.
page précédent(e)

page suivant(e)

-- 19 --

à fait, supposé qu’ils peussent flechir la resolution
que i’auois pris de ne demordre iamais du
dessein d’estre l’ennmy le plus irreconciliable
du Cardinal Mazarin. En effet ie ne doute pas
que ses instantes importunitez qu’on a fait incessammẽt
pour tâcher de m’engager à son party, &
que i’ay tousiours repoussé comme des suggestions
criminelles d’Estat, n’ayent esté les causes
des complots qu’on a brassé cõtre ma personne,
aussi ne m’a-t’il iamais esté possible de r’asseurer
mon esprit dans l’idée qu’on me vouloit faire
conceuoir, que i’estois entierement remis, &
que mon emprisonnement auoit entierement effacé
tout ce qu’on auoit conceu de mal talent
contre l’innocence de toute ma conduite : Parce
que ie voyois que l’esprit du Cardinal Mazarin
animoit encore souuerainement toute la Cour :
que ses creatures estoient mieux escoutées, que
les Princes du Sang, & que les expeditions des
affaires importantes ne se faisoient iamais, à
moins qu’elles ne fussent authorisées du consentement
de celuy, qu’on a honteusement chassé,
comme vn criminel d’Estat.

 

Il ne faut pas estre des plus intelligens dans les
affaires d’Estat, pour sçauoir que la Cour ne reculoit
si constãment de me donner le Gouuernement
de Guyenne, que parce que le Cardinal



page précédent(e)

page suivant(e)