à celle fin aussi que la Foy Chrestienne soit libre
par tout l’Vniuers, elle nous a esté donné pour renouueller
la France par de nouuelles constitutions,
témoin nostre Oracle François, Centurie ; Quatrains
15. lors qu’il dit ;

Quoy que ce quatrain soit assez intelligible de
soy, neantmoins nous en donnerons l’explication
en faueur des esprits delicats, la France sera renouuellée
de tous points par nostre jeune Monarque,
mais ce sera par l’intermise du Cardinal Mazarin,
lequel apres auoir esté la ruine de la France,
retournera auec grande gloire poussé d’ardeur &
de vigueur, qu’il faut entendre par ces mots, cœur
vigueur, gloire, le Regne changera de tous points, le
grand Regent sera lors plus contraire ; C’est vne chose
en effet bien contraire de croire qu’vne personne
qui sera contraire à la France fasse de nouuelles
constitutions pour le bien d’icelle, c’est
vn secret de Dieu que les hommes ne connoissent
point, c’est pourquoy il en faut demeurer là, apres
cela ie vous prie de considerer s’il y a nulle aparence
qu’il se détache du gouuernement des affaires de
France, ny de la vindication. Enfin Paris est tellement
> menacé de sa ruine, que j’en suis au bout de
mon roulet, & ne sçay par quels moyens vous desaueugler,