Saint-Julien,? [?] [1649], LE DOVZIESME COVRRIER FRANCOIS, TRADVIT FIDELLEMENT en Vers Burlesques. , françaisRéférence RIM : M0_2848. Cote locale : C_2_42_12.
Le premier d’Auril l’Audience Deuint belle par la presence Du vaillant Prince de Conty, Et des chefs de nostre party, Où Boüillon prenant la parole Dit tant au President Viole Qu’à tous Messieurs, attention, I’ay bonne procuration D’auancer ce que ie vais dire, Et nul ne me voudroit dédire, Lors vn Huissier ayant dit paix, Boüillon poursuit Messieurs la paix Est si fort de nous desirée, Que bien loin d’estre differée, Nous autres Chefs sommes tous prests D’abandonner nos interests : Ie ne puis vous dire autre chose, Et là ce Duc fit vne pose. En suitte à haute voix fut leu Ce que respondre il auoit pleu Au Roy, sur toutes les demandes De ces braues Chefs de nos bandes. Lors les gens de sa Majesté Au Parlement on presenté Sa declaration donnée Sur les troubles de cette année, Par laquelle il est ordonné Que tout acte qu’a decerné La Cour ou Messieurs de la Ville,
|