Anonyme [1649], LES DIVINS ARTICLES DE LA PAIX GENERALE. , français, latinRéférence RIM : M0_1165. Cote locale : A_3_20.
page précédent(e)

page suivant(e)

-- 5 --

ARTICLE II.

Despexistis omne consilium meum ; & increpationes meas neglexistis.

Mespriserez-vous tousiours les salutaires Conseils que
Dieu vous donne. Continurez-vous tousiours vos guerres ?
Tant de sang respandu n’a-t’il encore pû estancher vostre
soif ? N’est ce point assez tué ? N’est-ce point encore assez
massacré ? Que voulez-vous ? que cherchez vous ? Que pretendez-vous
exterminer la vertu ? Estouffer la Religion ? Ruiner<lb/> l’Eglise ? Helas elle ne l’est desia que trop, & n’y à celuy
qui ne voye assez l’extremité de son danger ! Mais il n’y a quasi
personne qui s’en mette en peine, & pour vn qui luy souhaite
la paix, il y en a mille qui ne respirent que la guerre.

O Nations deprauées & incredules, qui vous pourra deliurer
des chastimens qu’vn Dieu viuant vangeur des crimes
prepare à vos massacres ? Vous Chrestiens, vous enfans d’vne
mesme mere, vous entre massacrer de la sorte ? Où est vostre
esprit, où est vostre foy où les sentimens de freres ? où le respect
deu à vostre Mere ? Ah pauure Mere ! Ah Mere desolée
qui as porté de tels enfans ! Que iamais tu ne nous eusse conceu,
que iamais tu ne nous eusse regenerez, que iamais tu ne
nous eusse esleuez, Nous disie qui te causons tant de dueil &
de tristesse.

Venez Turcs, venez Mores, venez Barbares tirer vengeance
de nos crimes. Venez enuahir nos terres ; Nous vous auons
longtemps resisté, mais le comble de nos pechez s’approche,
& il faut qu’enfin nous cedions à vostre force pour en ressentir
la rigueur. Mais l’Eglise de Dieu acheuera donc de perir ?
L’Espouse de Iesus perira donc ? Ses Temples seront donc demollis,
& ses Autels abbatus. Adieu donc son Culte, Adieu
donc son honneur, Adieu donc la Religion, Adieu donc la
Chrestienté, Adieu donc le prix de son sang. Ah malheurs !
Ah miseres ! hé qui me donnera de pouuoir mourir auant que
de les voir arriuer. Ma chere Mere l’Eglise, l’Eglise ma chere
Mere qui me donnera de pouuoir mourir pour te pouuoir
conseruer la vie.

Cessez mes freres, cessez Chrestiens de l’affliger, cessez de
la persecuter pour persecuter ses ennemis, pardonnez à vostre
pauure Mere. Ie vous en prie par la vie nouuelle qu’elle vous



page précédent(e)

page suivant(e)