Combien prend-on de couuertures
Pour pesquer dessous les vsures,
Attrapant du poure affligé,
Chen qu’on leu zauet engagé :
Combien a t’on veu de pupilles,
Voire de meilleure familles
Mourir à male mort de faim,
N’auoir pas vn morceau de pain,
Parce qu’orfelins en bas aage,
Les plus proches du parentage,
Ont si bien leur vaillant tatté,
Que presque rien il n’est resté,
Combien en voit-on aux Offices,
Qui par chicanes & blandices,
Attrapent des poures Clians,
Tout ce qu’ils ont de bien vaillans,
Et pesquent le bien d’vne ligne,
Sans filets, sans rets & sans ligne,
Combien de pesqueurs ont pesqué,
De moyens qui l’ont acroqué,
Pendant qu’on ne feset la hongne,
Ainchin que no fait pour la rogne,
Ces gens pesquent asseurement,

page précédent(e)

page suivant(e)