& n’en auoir pas eû de iustes ressentimens d’affliction ?
Que souuent, & bien souuent i’ay representé
& fait representer à ces princes animez pour
leur perte, & pour ma ruine, que c’etoit agir contre
le Ciel, que de se vouloir détruire par le feu,
par le fer, par le sang, & par la famine, qui sont
les ordinaires instrumens de la guerre. Mais iusques
icy, leurs oreilles ont tousiours été sourdes à
mes sommations & à mes remonstrances, & ces
ames d’aigreur & de colere, n’ont iamais bien pû
se figurer que ce que ie leur representois estoit veritable,
qui étoit que leur diuision étoit le vray
ressort pour faire ioüer les puissans desseins du
Grand Turc, qui ne pouuoit pas mieux agrandir
ses forces, que par l’affoiblissement, & la diuision
des nostres. Ne me contentant pas de mes semonces,
ie les ay de temps en temps, de iour en
iour, & de moment en moment, fait exciter, &
prescher par de sçauans Predicateurs, qui sont les
trompetes de l’Euangile, de s’vnir, pour ensemble
conjointement s’efforcer, sinon, à imiter le
glorieux dessein de Sainct Louys Roy de France,
pour la conqueste de la Terre Sainte, à tout le
moins pour deposseder cét illustre Tyran, & vsurpateur
de tãt de Royaumes, & de Prouinces, qu’il
a rauy iniustement à mon Etat. Ces Potentats
ont tousiours été des roches insensibles à de si iustes
mouuemens, d’où vient aussi que l’ennemy
capital de la Chrestienté, a de beaucoup depuis

page précédent(e)

page suivant(e)