PANEGYRIQVE DV ROY TRES-CHESTIEN
Louis XIV. Dieu-donné,
sur sa Majorité.
Où sont les tres-humbles supplications faites à sa Majesté,
de vouloir conseruer Monsieur le Prince dans
l’honneur de ses bonnes graces.
Voicy ce iour de vostre seconde naissance,
Sire, qui vous fait voir couronné de splendeur
& de gloire sur la terre, apres y estre vne fois
entré suiuy de toutes ses conspirations du Ciel ;
c’est ce moment qui a excité tant de desirs dans la
nature, qui l’a tant de fois jetté dans l’impatience,
& ne la pas moins trauaillée dans l’attente d’vn
Roy Majeur qu’elle s’estoit desja remuée dans
l’esperance d’vn Roy. Si c’est de l’ordre des petits
presens que d’estre bien-tost donnez ; c’est le propre
des Grands d’estre longuement attendus ; à
b/> mesure que vostre Majesté a tousiours hasté nos
souhaits, elle a semblé retarder la joüissance de ses
biens, non pas moins dans ce iour qui commence
à la faire viure, qu’en celuy qui commença à la faire
regner.
Ie sçay bien ce qu’on dit de l’esprit des Princes ;
c’est ce Dieu qui chemine tousiours, & ne s’arreste
jamais ; le temps qui va viste, ne va pas encor