LETTRE DE CONSOLATION
enuoyée à Madame la Duchesse de Rohan, sur la
mort de feu Monsieur de Rohan son fils,
surnommé Tancrede.

MADAME,

I’entreprens vne chose que tout le monde voudroit
faire, & que tout le monde iuge impossible, lors que
i’entreprens de consoler vne mere affligée, mais affligée
si iustement, qu’elle ne passeroit pas pour bonne
Mere si elle estoit consolable. Ie n’eus pas si tost appris
la mort de Monsieur le Duc de Rohan vostre fils
que ie resolus de vous écrire, & souhaittay des termes
qui eussent quelque proportion auec la grandeur de
vostre perte. Vn autre qui eust eu plus de zele que de
discretion, & plus de chaleur que de lumiere, vous
eust écrit dés le lendemain d’vne nouuelle si deplorable.
Mais moy qui sçauois que les maux s’aigrissent &
se rengregent par les remedes donnez à contre-temps,
& que la Rheubarbe estoit quelquefois aussi dangereuse
que la ciguë, qui sçauois mesme qu’il y auoit
cette difference entre les maux de l’esprit, & les maux

page précédent(e)

page suivant(e)