sur toute sorte de personnes.

Les Egyptiens auoient les luges mercenaires en
si grande horreur, qu’ils faisoient iurer ceux qu’ils
élisoient en l’estat de iudicature de ne faire iamais
aucune iniustice, & les contraignoient sur peine de
mort de ne iamais violer ce serment, quand bien
mesme le Roy leur commanderoit de faire le contraire.
Et afin qu’ils eussent le serment qu’ils venoient
de faire continuellement imprimé dans la
memoire, ils leur faisoient mettre au dessus du siege
où ils estoient assis, la statuë d’vn Iuge qui auoit
les yeux bandez, & les mains coupées, à dessein de
leur faire voir par des obiets si mysterieux, qu’ils ne
deuoient pas vser d’aucune faueur à l’endroit de
qui que ce fust, ny receuoir aucunes gratifications
pour alterer la iustice qu’ils deuoient rendre, aux
grands & aux petits, aux foibles & aux puissans,
auec vne pureté inuiolable.

C’est pourquoy Alexandre Seuere Empereur
des Romains fit empaler son Secretaire, pour auoir
grandement vexé les pauures, & maintenu les riches
dans leurs iniquitez & dans leurs iniustices.
Cambises Roy de Perses fit bien escorcher Sisana
tout vif, pour auoir prononcé vn faux iugement
contre l’vne de ses parties. Et ce prodigieux Monarque,
non content de cette seuerité, commanda
que la peau de ce miserable corps iutattachée au
lieu où les autres Iuges auoient accoustumé de s’asseoir
pour prononcer leurs iugemens, & voulut
qu’elle demeurast là perpetuellement, afin que ceux
qui viendroient apres luy à dessein d’occuper sa
place, instruits par cét horrible spectacle, se gardassent