D. B. [signé] / Cyrano de Bergerac, Savinien de [?] [1649], LE GAZETTIER DES-INTERRESSÉ. , françaisRéférence RIM : M0_1466. Cote locale : A_3_72.
page précédent(e)

page suivant(e)

-- 7 --

legitime, il leur fit voir qu’il pouuoit estre sacrilege,
traistre, & rebelle, & ne manqua pas d’estre tous les
trois dans vne mesme personne. Quoy qu’il eut sujet
de trauailler pour leur bien commun, il ne changea
ny de condition ny d’humeur, il retourna contre leur
creance à ses premieres fourberies, & ne put non plus
se défaire de son naturel auec des personnes de vertu,
que ce bouc de Mendez en Egypte, qui pour estre
enfermé auec des femmes fort belles, n’en deuenoit
/> pas plus amoureux, mais qui ne s’adonnoit qu’à
des Chevres.

 

Aristote dit, que les vns sont faits bons par la nature,
quelques vns par la doctrine, & quelques autres
par l’accoustumance ; & le Cardinal Mazarin voulut
témoigner qu’il estoit d’vn quatriesme ordre, & qu’il
ne pouuoit deuenir bon que par vn miracle.

Le Cardinal de Richelieu qui auoit connu son esprit,
& qui l’auoit gaigné par quelques pensions secrettes,
n’ût pas beaucoup de peine à corrompre vn
homme si corrompu ; il l’approcha de sa personne autant
qu’il luy fut possible, & trouua qu’il luy estoit necessaire
pour l’execution de ses desseins, de la mesme
sorte qu’il est necessaire qu’il y ait des bourreaux pour
l’execution des Arrests & des Sentences. La facilité
qu’il rencontra dans vn homme qui estoit de ceux
qui de Mammone se font des thresors d’iniquité, ne
le trompa point ; il se l’assuietit par ses dons & par ses
promesses, & luy procura de si bons offices, qu’il put
estre compté au nombre de ses plus heureuses creatures.
Le Cardinal Mazarin qui auoit esté l’Espion du



page précédent(e)

page suivant(e)