LETTRE A MESSIEVRS LE
Vvidame & Gouuerneur d’Amiens, & d’Auquincourt
Gouuerneur de Peronne, pour la
conseruation de leurs Gouuernemens.

MESSIEVRS, dans l’incertitude de toute la
France, ie ne puis me resoudre de la
miene particuliere. Quelque generosité
dont ie vous ay vû mille belles marques,
toutes les choses du monde sont si sujetes
à changer, que ie vous prie de m’excuser si ie doute,
& si dans ce doute ie crains que vous n’ayez liuré
vos gouuernemens au Cardinal. Il n’est personne qui
ne sçache auec combien d’ardeur il les desire, & comme
auiourd’huy ces desirs, par l’influence maligne de
quelque astre destiné à nostre perte, sont trop souuent
suiuis de leur effet, il n’y a aussi personne qui ne craigne
qu’il les possede. Ie suis dans cette crainte, Messieurs,
& quelque grande opinion que i’aye de vostre
vertu, ie tremble quand ie considere qu’il n’en est
point auiourd’huy dont le vice ne triomphe. Le Cardinal
qui est le grand maistre & le suprême ingenieur,

page précédent(e)

page suivant(e)