disoit cet Empereur à son fils, de
mettre l’authorité entre les mains des gens
de bien, afin que leur bonne conduitte
& leur reputation donne credit à vostre
choix, & que les biens qu’ils feront
soient estimez de vos sujets, comme des
biens qu’ils retiennent de vos mains. Ce n’est
pas vn Hermite qui parle, Madame, ce sont
les aduis du grand Basile Empereur des Romains
à Le on son fils, & c’est de luy que ie
veux encore emprunter ce qui suit. Estimez
le bon conseil comme la chose du monde la
plus seure, au contraire prenez ce qui se fait
temerairement pour la plus perilleuse. Ie ne
les pouuois puiser en vne plus riche source ;
vn Hermite ne pouuoit fournir de son fond,
c’est ce qui m’a obligé de faire vn beau larcin,
dont ie fais la restitution en aduoüant
de qui ie l’ay pris. Les Maximes de ce
grand homme vous seront d’autant plus
considerables qu’ils partent d’vn grand courage,
qui fait bien voir par ses nobles sentimens
que son ame estoit vrayement

page précédent(e)

page suivant(e)