Sauvebœuf,? de [signé] [1652], LETTRE DE MONSIEVR DE SAVVEBEVF, Escrite à Monsieur le Mareschal d’Haumont. Sur le comportement des affaires de Mazarin. , françaisRéférence RIM : M0_2015. Cote locale : C_12_15.
page précédent(e)

page suivant(e)

-- 6 --

bien qu’elle auoit quelques fascherie
en son esprit, lors qu’elle s’approcha de nostre
amy, auec lequel elle parla assez l’onguement :
mais ie ne pouuois entendre leurs discours ;
toutesfois ie reconneus bien à leur despart qu’ils
n’estoit pas satisfaits l’vn & l’autre ; car le visage
de nostre amy disparut comme vn esclair,
& celuy de la Dame demeura ferme & stable
durant le cours d’vne heure.

 

Cette espace de temps passé, elle m’apparut
de toute sa hauteur, vestuë de noir,
marchant d’vn pas noble & graue, pour receuoir
vn Gentil-homme, lequel luy presenta
vne Lettre, auec vne tres-profonde
reuerence. Elle la receut, l’ouurit ; & mesme
la leut en son particulier ; cela fait elle luy donna
son congé en luy faisant la reuerence & le
remerciant d’vne façon assez triste. Ce qui est
plus, qu’admirable est que ie vis tout ce
qui estoit contenu dans cette Lettre, ne plus
ne moins, que si ie l’eusse euë entre mes
mains ; Soyez secret, puis que ie vous veux
bien raconter ce que i’y vis de plus considerable ;
& entre autres choses, ces paroles,

Les Princes auront le dessus, ils chasseront Mazarin
& ses Adherans auant la mois d’Avril.

Ce la m’estonna fort, & mon esprit fut



page précédent(e)

page suivant(e)