Anonyme [1649], LA CONIVRATION DE LA MAISON D’AVTRICHE, CONTRE LA LIBERTÉ DE L’EVROPE en la derniere élection faite à Ratisbonne le 22. Decembre 1636. Auec les artifices & nullitez de cette eslection en la personne du Roy de Hongrie, Ferdinand, pretendu Roy des Romains. , françaisRéférence RIM : M0_756. Cote locale : C_1_29.
page précédent(e)

page suivant(e)

-- 8 --

vne Couronne de fer & de feu & de sang sur la teste du Roy de
Hongrie.

 

De plus, selon les loix Imperialles, l’Eslection du Roy des Romains
se doit faire d’vn Prince judicieux, prudent, genereux &
experimenté au gouuernement des Estats, tant en temps de paix,
qu’en temps de guerre, afin de faire prosperer l’Empire en l’vn,
& le couronnement de lauriers & de trophées en l’autre, par des
victoires gagnées sur le Turc, à l’honneur & au bien de l’Eglise &
des Princes Chrestiens ; mais c’est vn dessein bien esloigné des
Espagnols, quoy que leur hipocrisie odieuse, &c. descouuerte
aux yeux de tout le monde, fasse mine du contraire.

Pour conclusion, il sera remonstré aux Allemands que cette
Eslection est vne conspiration Espagnole contre leur liberté, vne
oppression de leurs Princes, vne extinction de l’authorité Eslectoralle,
& la ruine totalle & infaillible de l’Empire, dans lequel
l’Espagne veut perpetuer sa tyrannie pour paruenir à l’vsurpation
de la Monarchie de l’Europe ; qu’il ne faut point recognoistre vn
Tyran pour Roy des Romains, ny receuoir pour vne eslection legitime
les fraudes & les perfidies d’vne assemblée de brigands &
assassins faits à Ratisbonne : Tout ce discours se verifiera plus amplement
par les memoires, actes & procedez que les verités tirées
des Statuts & Constitutions Imperialles le feront voir.

FIN.



page précédent(e)

page suivant(e)