l’onneur de la patrie & de seruir vostre Prince
& faire voir à l’Europe que combattre & gaigner
des batailles c’est la mesme chose pour les François
quand ils sont bien vnis, c’est le vray moyen d’acquerir
vne haute reputation, & de vous restablir en
l’estime des Estrãgers qui seront aussi prompts à reprendre
bonne estime de vous qu’ils ont esté à la
quitter : le Pottugal se r’assurera, le Piedmont n’aura
plus de peur, la Flandre trembler a d’effroy quand
elle sçaura que toutes ses armées se tournẽt cõtr’elle,
le Duc de Modene regrettera son mal-heureux sort
& de nous auoir quittez dans la creance qu’il auoit
que nous ne le pouuions pas secourir, Piombin &
Portolongonne reprendront vigueur, les Plenipotantieres
d’Espagne qui font de si belles propositions
dans l’asseurance que leurs espions leurs
donnent d’vne nouuelle Guerre resteront confus
& vous glorieux d’auoir receu la garison par son cõtraire,
c’est à quoy vrais François, nous deuons penser
si nous voulons nous mettre à couuert de tant
de mal heurs qui menaçent nos testes criminelles,
& coupables de tant de pechez que nous auons cõmis
contre Dieu, & pour lesquels sa Maiesté Diuine
permet que nous soions chastiez, tant d’impietez
que nous voyons auiourd’huy au milieu de nostre
France, l’on ne parle des choses Sainctes qu’en raillant
& les choses les plus pieuses sont expliquées en
mal tant les esprits sont méchants, pour auoir veu

page précédent(e)

page suivant(e)