Ils ne font plus des homicides,
Ils sont doux comme des agneaux
Parlent de creuser des tombeaux,
De leur procez afin de suiure
La paix qui montre de bien viure ;
Lors que ces pauures estourdis
Sont en repos, des plus hardis
Recommencent la mesme guerre
Et sentent le mesme tonnerre,
Qui les met aussi bien à bas
Que les premiers dans les combats,
Concluons qu’vn homme est vn Asne
Qui se plaist de viure en chicane.
Ceste guerre perdroit son cours
Si l’on ostoit de nos discours
Deux seuls mots qui la font renaistre,
Quand on la faite disparoistre
Ces deux dictions tien es mien
Sont la semence & le moyen,
Qui produisent dessus la terre
Cette perpetuelle guerre,
Certainement les chicaneurs
Sont fort semblables aux veneurs
Qui perdent bien souuent leur peine
Et n’ont qu’vne esperance vaine,
Qui les font encor retourner

page précédent(e)

page suivant(e)