Louis (XIV), de Guénégaud [signé] [1652], ORDONNANCE DV ROY EN FAVEVR DES BOVRGEOIS & Habitans de sa bonne Ville de Paris. Pour l’ouuerture & liberté des passages des Bleds Vins, Bois, Poisson, & autres denrées destinées pour la prouision de ladite Ville. Donnée à Ponthoise le 29. Septembre 1652. , françaisRéférence RIM : M0_2615. Cote locale : B_3_13.
-- 4 --
Riuieres, au prejudice des deffenses
qui en ont esté faites ; A quoy desirant
pouruoir ; & voulant tesmoigner
aux Bourgeois & Habitans de
ladite Ville, le soin particulier qu’elle
prend des choses qui les concernent ;
SADITE MAIESTÉ a fait &
fait tres-expresses inhibitions & deffenses
à tous Gouuerneurs des Prouinces
& Villes de son Royaume, &
à tous Generaux d’Armée, Mestres
de Camps, Capitaines & Conducteurs
des Gens de Guerre de quelque
Nation qu’ils soient, de faire ny
permettre estre fait aucun empeschement
à la voiture, conduitte &
passage des marchandises destinées
pour la prouision des Bourgeois &
Habitans de ladite ville de Paris, à
peine de des obeïssance. ENIOINT
ausdits Gouuerneurs, Lieutenans-Generaux,
|