Ianin.

Tredame, c’est vn guiebe d’affaire, que deu frere se battaint
ainsin l’vne contre l’outre.

Piarot.

Dame voize, & si nan dy que le cadet rendra le pu ainé victu
quer y a Guieu & rairon de son couté.

Ianin.

Y fau ban dize qu’ouy, puisque Monseu le Couarjuteu en est
aussi.

Piarot.

Questy ce Couarjuteur ?

Ianin.

Ardé, cesty-là qui heriteza de la charge de Monseu de Pazi.

Piarot.

Ha voizeman, i’ay ouy dize qu’il a offar d’exortizé le Cardena,
car nan di qui lest poussedé du Marquis d’Ancre.

Ianin.

Hé ! ou aice qui l’exortizera ?

Piarot.

Dan Noutre-Dame de Pazi.

Ianin.

Hé, qu’en fera n’en par apres ?

Piarot.

N’en l’enuoigera à Roume à nout saint Pere le Paple, pour
obteni son excomication, & pi nan fra la paix par toute la Cretianté,
car nan di que Lercheduc Liopo est venu à Pazi aueu pu
de cent mil hommes.

Ianin.

Qui guiebe est ce Liopo ? ie m’atten que c’est vn Sararin.

Piarot.

O ! tu las di, c’est le Roy du Pahis-bas.

Ianin.

Dame y lest venu faire la paix aueu le parleman pour alé rebouté
le Prince de la Galle dan son Riaume ; tu sçay ban que ce
guiebe de Milour auant coppé le cou à Monseu son pere : Ce
damné de Far-fer, dije For-faxe, y dizet qui le voulet reboutre
dan son troune : y fezy baty vn gran thiatre deuan Noutre-Dame.

Ianin.

Voze tu la di, son dé Literian.