Fouquet de Croissy, Antoine [?] [1649], LE COVRRIER DV TEMPS APPORTANT CE QVI SE passe de plus secret en la Cour des Princes de l’Europe. , françaisRéférence RIM : M0_825. Cote locale : C_1_47.
page précédent(e)

page suivant(e)

-- 4 --

Cardinal Mazarin, la haine qui continuë contre luy, qui
entretient la defiance entre le Conseil du Roy, les Parlement
& les peuples, ce qui oste toute esperance de
voir restablir les forces de ce Royaume durant ce ministere,
& par consequent les moyens de satisfaire aux
conditions de l’alliance, de fournir les subsides promis, &
d’entretenir vne armée sur le Danube pour faire diuersion
comme l’on y est obligé par les traictez. La Reyne
s’est renduë à ses raisons qui ont esté fortement appuyées
par le Comte Brahé, le grand Admiral Carlé Carleson,
les Mareschaux horn, Tortenson, le General Kaghen,
Hok Axelxson, & autres principaux senateurs du Royaume :
ce qui a esté cause qu’on a fait grande consideration
sur les depesches du Conseiller Eschen escrites de
Nuremberg, par lesquelles il mande que Picolomini faict
de viues instances pour nouer vne plus estroite aliance
entre la maison d’Austriche & la Couronne de Suede,
Sa Maiesté Imperiale, pour gaigner le Connestable de la
Gardie, & l’obliger à changer d’inclination, a fait le
Comte Magnus Gabriel son fils, Prince de l’Empire, la
Reyne s’en est sentie obligée & l’on croit que c’est ce qui
a aduancé les ordres qu’elle a enuoyez à ses Ministres à
Nuremberg de ne faire plus d’instance pour la restitution
de Franchandal, sa Maiesté part dans deux iours pour aller
se diuertir à Drottingholut, & de là à Schuarsiens.
Hier l’aspresdinée estant dans le Vvilgatted elle tira en
volant d’vne bale seule auec vne arquebuse rayée vne
hirondelle de mer blanche, & qui auoit vne petite couronne
noire sur la teste, ce qui donne fort à penser aux
curieux.

 



page précédent(e)

page suivant(e)