Anonyme [1649], LA FRANCE A LA REYNE. , françaisRéférence RIM : M0_1415. Cote locale : C_4_15.
Helas ! ie desespererois Que vous me fussiez pitoyable ; Mais ie me souuiens qu’autrefois Vous auez esté miserable ; Vous pouuez iuger des bienfaits Par les plaisirs qu’on vous a faits Vous deliurant d’vne Puissance Qui traittoit vostre Majesté Auec autant de violence Que l’on vous traittera dans la Majorité.
Qui n’eust asseuré que la mort De Richelieu l’impitoyable Ne deust finir le mauuais sort Dont la rigueur encor m’accable ? Et qui n’auroit dit que l’Estat De nostre ieune Potentat, Au lieu d’vn theatre de guerre, Ne deuroit estre desormais Que les delices de la terre, Et le Temple sacré d’vne immortelle Paix !
| |||||