Anonyme [1652 [?]], LA FRANCE AVX FRONDEVRS. PREMIERE ELEGIE. , françaisRéférence RIM : M0_1420. Cote locale : B_19_28.
page précédent(e)

page suivant(e)

-- 7 --


Loin d’adorer son Maistre auec les armes bas
Il donne en sa presence, & reçoit le trespas ;
Et ce Moteur du monde offencé d’vn tel crime
Veut bien pour le sauuer estre encore sa victime ?
O d’vn diuin amour effet prodigieux !
Les forfaits à la fin le chassent de ces lieux ;
La nuit presque aussi tost sans Lune & sans Estoilles,
Pour separer ce peuple estend ses sombres voiles ;
Et pour croistre l’effort des mutins irritez
La fureur dans leurs yeux fait briller des clairtez :
Enfin las du massacre, & de ces cris funebres
Qui volent iusqu’au Ciel dans l’horreur des tenebres,
Chacun dans le remors, la tristesse & l’effroy,
Pour prendre son repos se retire chez soy.

 

FIN.



page précédent(e)

page suivant(e)