qu’il auoit receu des plus illustres seigneurs de
la Cour, qui pour l’ordinaire leur sont ennemys, se
iette du party des Moscouites, & les porter à liurer
la guerre à son Prince, & à son Pays : ce qu’il fist
auec tant danimosité, que s’estant rendu Chef, &
General de l’armée, il combattit si courageusement
& si ardamment, qu’ayant deffait toute l’armée des
Syriens, il enueloppa le Roy, le prist, le tua, & enuahit
son Royaume.

L’Egypte fut 20. ans entiers captiue sous le Regne
de Pheuissa femme de Pharaon quatiesme, laquelle
estant deuenuë amoureuse d’vn Grecq nommé
Oxanates, abandonna tellement le soing, & la
conduite des affaires de son Royaume pour suiure
l’impetuosité de ses desirs, & le desreglement de ses
folles amours, qu’en fin ses suiets lassez des iniustices,
violences, exactions, cruauté que l’on exerçoit
contre eux à la solicitation de ce Fauory, se resolurent
de se vanger de l’vne & de l’autre & les faire perir
miserablement. En effect ils prirent cette Reyne
impudique, la despouillerent de ses ornemens Royaux,
& apres luy auoir reproché ses infames déportemens,
en presence de tout le peuple assamblé pour
voir ce spectacle, la ietterent dans le Thibre ; & en
suitte de cette execution condamnerent le Grec à
estre bruslé tout vif.

La Perse ne fut pas moins malheureuse sous l’administration
& le gouuernement d’vn autre Fauory
nommé Sophiata, car l’Histoire Persienne ne descrit
pas la centiesme partie des malheurs, des calamitez,