Anonyme [1649], LA GVEVSERIE DE LA COVR. , français, latinRéférence RIM : M0_1533. Cote locale : C_5_33.
page précédent(e)

page suivant(e)

-- 14 --

ny les vns ny les autres, de mettre plus de
tailles que les terres n’apportẽt de reuenu,
& pour s’en faire payer prendre les cheuaux
& la cherruë du labourage, c’est le
moyen de mettre tout en friche, & d’obliger
les suiets du Roy d’abandonner leur
pays & laisser tout à l’abandon. Les impositions,
taxes & monopoles empeschent
le commerce, & ainsi pour auoir ce qui
est iniuste on vient à perdre ce qui est deu
legitimement.

 

Depuis que les Prouinces ont pris les
armes à l’exemple de la principale ville du
Royaume qu’on auoit resolu de perdre
par le glaiue, par le feu & par la faim la finance
decroist tous les iours. Il est arriué à
la Cour ce qui arriue dans l’Egypte quand
le Nil manque de se déborder & qu’il se
reserre dans son lict. Ce pays s’est tousiours
vanté de ne point mẽdier le secours
du Ciel & de la pluye pour multiplier les
semailles & cueillir vne belle moisson, car
sans estre arrousé que de son fleuue ny
engraissé d’autres eaux que de celles qu’il
charrie, il abonde de telle façon en toute



page précédent(e)

page suivant(e)