Anonyme [1652], LA NOVVELLE GAZETTE DV TEMPS. EN VERS BVRLESQVES. Du dix-neufiéme Octobre 1652. , françaisRéférence RIM : M0_2549. Cote locale : B_18_31.
page précédent(e)

page suivant(e)

-- 6 --


Ils porterent force mangeaille
Pour la crapule & la ripaille,
Fromage, bœuf, mouton, & lard,
Du gibier, pas pour vn liard,
Mais quantité de poulets d’indes,
Et du vin pour faire des brindes,

 

 


Il n’est pas que vous n’ayez sçeu
Que la Contesse de B[1 lettre ill.]ssu
En attraits, dit on, sans esgalle,
De la belle du Pont, Riualle,
Apres maint trauail & soucy
Est enfin arriuée icy :
Mais on doute encor si ses larmes,
Sa douceur, sa vertu, ses charmes,
Et sa rare, & sainte amitié,
Inspireront quelque pitié
Au cœur nouueau venu d’Espagne,
Dont elle se dit la compagne.

 

 


Vn homme arriué de de nouueau,
M’a dit que Monsieur de Nouueau
Auoit offert grosse finance
Pour cette charge d’importance
Par qui Monsieur de Chauigny
Deuenu riche à l’infiny
Estoit Secretaire de l’Ordre,
Mais on en veut sans rien desmordre
Cent mille escus d’argent comptant,
Office vrayment important,
Honnorable, brillant, & leste,
A cause du cordon celeste,

 

 


Toute la Cour qu’a Sainct Germain
On attendoit de longue main,
Y vint Ieudy prendre son poste,
Tel en carrosse, tel en poste,
A pied, en fourgon en relais,
Tant les maistres, que les valets ;
Plusieurs gens si tost qu’ils le sceurent,
En grande diligence y feurent
Pour monstrer en faisant leur Cour,
Leur foy, leur zele, & leur amour.
I’ay sceu mesmes, que vostre ALTESSE
Tesmoignant beaucoup d’allegresse,
Pour y faire son compliment
S’y transporta pareillement ;
Ie ne sçay pas si ce voyage
Sera d’vn iour, ou dauantage :
Mais soit auiourd’huy, soit demain,
Soit icy soit à saint Germain,
La lettre par moy griffonée
Vous sera portée ou donnée,

 

 


Fait dans le propre Hostel d’vn Duc
Le lendemain du iour saint Luc.

 

FIN.



page précédent(e)

page suivant(e)