Anonyme [1652], LA NOVVELLE GAZETTE DV TEMPS. EN VERS BVRLESQVES. Du douziéme Octobre 1652. , françaisRéférence RIM : M0_2549. Cote locale : B_18_22.
page précédent(e)

page suivant(e)

-- 5 --


Outre la lueur des flambeaux
Vn grand nombre d’obiets fort beaux
Auec leurs appas & ilumieres
Donnerent dans maintes visieres ;
Monsieur le Prince s’y trouua,
Car maintenant il vient, & va,
A pied, en chaise, en caualcade,
C’est à dire n’est plus malade,
Dudit Chauigny le trespas
Fit qu’illec on dar ça pas,
Mais on ne laissa pas de rire,
Et c’est tout ce que i’en puis dire.

 

 


Les Lorrains, & Vitembergeois,
Terreur des tristes villageois,
Dont ils font souuent des victimes,
Chargez de butins, & de crimes,
Qui font que chacun les maudit,
S’en retourneront à ce qu’on dit
Vers l’Allemagne, ou ses frontieres,
Reporter leurs vieilles rappieres,
Plusieurs bons François assemblés
En despit de leurs pauures bleds,
Que ces gens qui ne sont pas sages
Ont ruinés sur leurs passages,
Pretendoient bien à leur retour
Leur ioüer quelque mauuais tour,
Mais vne suspension d’armes,
D’hostilitez, & de vacarmes,
Qui doit autant de temps durer
Qu’il en faut pour leur retirer,
Les met à l’abry de l’orage,
Et cette nation sauuage
Qui nous a fait tant de tourment,
Va s’en raisler impunement ;
Politique certes, nouuelle,
Qui met en peine ma ceruelle,
Qui fait gronder les gens de bien,
Et que ie ne comprens pas bien.

 

 


De l’Hospital ce Personnage
Qu’on tient si fidelle & si sage,
Est par l’odre du Potentat
Maintenant Ministre d’Estat,
Et Iean de Vert, en Allemagne
Au grand regret du Roy d’Espagne
Lequel il a seruy lorg temps,
Est [1 mot ill.] aagé de soixante ans.

 

 


Pourueu qu’vn cõmun bruit ne mente
Le Roy de present [illisible] Mante,
Mais n’y sera dit-on qu vn iour,
Et l’on croit que toute la Cour
S’en vient, plus tranquille : & plus gaye
Loger à Saint Germain en Laye.
Tels pensent que les differents
Des Princes, & de plusieurs Grands,
Sont accommodez d’asseurance,
D’autres n’ont pas cette croyance,
Ie n’en diray donc rien encor,
Iusques à tant qu’au son du Cor
On ait prosné cette nouuelle
Qui sans doute semblera belle ;
Car si l’aimable & sainte paix
Dissipant les broüillards espais,
Nous peut sans trouble & sans nuage
Monstrer encor son beau visage,
Nous aurons aussi le bonheur
De reuoir nostre cher Seigneur
Auec toute la Cour Royale
Dedans sa Cité capitale
[1 mot ill.] les cœurs comme autrefois
Des francs & fidelles Bourgeois.
Ie ne suis tant en paix qu’en guerre,
Qu’vn simple vermisseau de terre ;
Ie sens, toutesfois, tant d’ardeur
Pour la gloire & pour sa grandeur,
Qu’en cela, i’ay bien cette audace
De croire qu’aucun ne me passe

page précédent(e)

page suivant(e)