en le consommant au milieu des flammes,
puis qu’il ayme tant ce beau lustre, & cette
couleur éclatante, la vray image du
feu qu’il merite, qu’il la va mesme chercher
iusque en nostre Sang. La femme d’vn
Philosophe se promenant vn iour sur le
bord de l’Ocean, apperçeut que son chien
auoit le museau teint d’vn couleur qu’elle
le n’auoit iamais veuë, & comme les
choses nouuelles plaisent ordinairement,
elle en fut tellement charmée, qu’elle voulut
sçauoir d’où cet animal l’auoit prise ;
Enfin elle reconneut qu’elle venoit du sang
d’vn poisson, ce qui luy fit desirer d’auoir
vne robbe en cette couleur, de sorte qu’elle
importuna tellement son mary, que pour
contenter son ambition il se mit en deuoir
de luy en faire teindre vne, qui fut iugée si
belle & si precieuse ; qu’on la depuis estimée
la plus riche sur toutes les autres couleurs ;
Les Egyptiens & quelques autres
peuples auec eux s’en sont seruis pour porter
le duëil, iugeant raisonnablement qu’elle
auoit en soy quelque representation de
meurtre & de cruauté, estant de la mesme

page précédent(e)

page suivant(e)