Anonyme [1649], CHANTS ROYAVX, SVR L’EMINENCE, ET SVR LES PARTISANS. , françaisRéférence RIM : M0_684. Cote locale : C_2_28.
Vous auez tant de vaillants personnages Qui pourront bien vous seruir de support ? Hé ! pourquoy donc quitter vos auantages ? Pour endurer ces piteux brigandages Que l’on vous fait sans raison, & à tort. Voyés vous pas qu’il vous fait cet outrage, Pour satisfaire à sa cruelle rage, Et qu’apres tout, sa traistre passion Vous contraindra par force & violence, De laisser viure à sa deuotion Vn Estranger charcuitier de la France.
Mais c’est à tort que ie veux entreprendre De vous monstrer le nauffrage euident ; Car vous osez (temeraires) l’attendre, Or ne pouuez apres vous en deffendre, C’est pourquoy donc vous souffrez iustement. Pour moy ie crois que le lieu de Iustice Desire ainsi corriger nostre vice, En permettant que dans cette saison, Nous retenions pour nostre penitence Celuy lequel se dit auec raison Vn Estranger charcuitier de la France.
|