H. C. [1649], LA PLAINTE DV PALAIS ROYAL, SVR L’ABSENCE DV ROY, Auec vn Dialogue du grand Hercule de Bronze, & des douze Statuës d’Albastre, qui sont à l’entour de l’Estang du Iardin. Faite par vn Poiëte de la Cour. H. C. , françaisRéférence RIM : M0_2783. Cote locale : C_8_27.
page précédent(e)

page suivant(e)

-- 4 --


Il reuiendra chez moy, en grand magnificence,
Au bon-heur de Paris, & au bien de la France,
Il reuiendra pouruoir à nos nessitez :
Et me fera ioüir de mes felicitez,
Pendant qu’il n’y est pas, ie suis inconsolable,
Il n’y a que luy seul, qui me soit agreable,
Que mes lieux estoient beau alors qui luy estoit,
On me faisoit la Cour, chacun me visitoit,
Les Grands me courtisoient, comme vne belle Dame
Mais à present ie suis ainsi qu’vn corps sans Ame,
Où estes-vous ma vie, mon bien & mes espoires,
Pour qui tout vn chacun me rendoit ses deuoires,
Où le iours & les nuicts, on me faisoit caresses,
Et mes lieux estoient pleins, de Princes, & de Princesses
Il n’estoit mension que du Palais Royal,
On accouroit chez moy, en Chaise, & à cheual,
En Carrosse & à pied, bref en toutes manieres
On se faisoit porter, en Brancards & Lictiers,
Non pas les François seuls, mais plusieurs Nasions,
Venoient me rendre aussi, leur venerations,
Et des Ambassadeurs des Prouinces loingtaines,
Iamais on n’admira, tant la Cité d’Athenes.
Il ne se pouuoit voir vn lieu plus frequanté,
Mais à present ie suis inhabité,
Mes Vergers, mes Iardins, & mes belles Allées,
Où mon Roy se ioüoit, les voilà desolées,
Elles ont senty l’Hiuer, en deux rudes façons :
Tant de Pluyes & de Vents, de Neiges & de Glaçons,

page précédent(e)

page suivant(e)