POVR MONSEIGNEVR
le Duc de Beaufort.

SONNET.

A MAZARIN.

 

IN solent Estranger dont la brutale enuie,
Comme vn fleau de Dieu pour perdre les humains
Arme cruellement tant d’homicides mains,
A leur rauir les biens & leur oster la vie.

 

 

Monstre de qui la faim n’est iamais assouuie,
Excrement de l’Espagne, & rebut des Romains,
Qui pense par l’effort de tes faits inhumains
Rendre sous ton pouuoir nostre France asseruie.

 

 

Que tes proiets sont vains, & que tu t’es mépris,
Lors que dans le dessein de saccager Paris,
Sa prise ta semblé commme vne bagatelle.

 

 

Mais apres t’estre veu braué de toutes parts,
Depuis que ce BEAVFORT en est la Citadelle
Pretens tu bien encor de forcer ses remparts.

 

R. INGENIEVR