Anactofile [signé] [1649], L’OYSEAV DE RIVIERE, OV LE TOVRNOY NAVAL. DEDIÉ AVX MARINIERS. , français, latinRéférence RIM : M0_2587. Cote locale : C_8_13.
LXXII.
ROLAND, QVICHOT, HVON, RENAVT, Sont prests de fondre sur la proye, Au contenu d’vne pauure Oye, Deux cens dens vont donner l’assaut ; Leur brusque, & plaisante furie, Se iette sur sa fripperie, Et dans de si sanglants trauaux, L’Oye est pis qu’à la boucherie ; On la tire à quatre cheuaux.
LXXIII.
L’vn deuient de l’autre enuieux : Et concurrents, & camarades, Ils se donnent mille ruades, Et se mangent le blanc des yeux : RENAVT, homme à l’humeur sanguine. A QVICHOT dessus la poictrine, Donna si beau Mea Culpa, Que iamais coup de Coulevrine, Plus fort gabions ne frappa.
LXXIV.
Pendant que mon Barbet dans l’eau, Cul par sus teste on precipite ; Les trois autres de chair non cuite, Taschent d’auoir quelque morceau, Plus que leurs dens la beste est dure : Et la plus perçante morsure : Y treuue vn solide rempart, Certes pour nerf, & pour iointure, Elle auoit du fil de Richart.
| |||||