LE DIOGENE FRANÇOIS,
OV L’HOMME D’ESTAT.
A LA FRANCE
SOVSPIRANTE.
IL semblera à plusieurs que ce n’est pas grand mystere,
que ie propose sur le tapy, mais vn conte de
vieille, me voyant ramenteuoir aujourd’huy aux François
l’histoire du bon-homme Diogene, lequel, auec
sa lanterne, tracassoit parmy la multitude du peuple
qui estoit assemblé en la grand’place d’Athenes pour
chercher ce qu’il ne trouuoit pas. Et comme il se
voit importuné de declarer que c’estoit, respondit
brusquement qu’il cherchoit vn homme, Non de ressemblance
seulement : mais tel qu’vn homme doit
estre & paroistre.
Or de ceux-cy ne s’en rencontre-il pas si aisément
comme le vulgaire estime : car tel pense estre digne
de ce nom, qui en effect se trouue à l’ombre auec les