Comtes. Au troisiéme, des Chapeaux verts, Mitres
& Crosses. Sur la gauche au premier ais estoient
quantité de bastons bleus fleurdelisez d’or, liez par
petits fagots. Au second du mesme costé, quantité
de parchemins, sur lesquels on voyoit les Seaux
du Roy, c’est à dire, le grand & le petit seau d’argent,
auec plus de cent liures de cire apprestées, entre
lesdits parchemins estoient quantité de Patentes
pour des Gouuernemens de Prouinces, Villes &
Chasteaux, les noms en blanc, quantité de graces,
d’abolitions, remissions, priuileges, offices. Et au
troisiesme ais estoit vne grande casse pleine d’or &
d’argent, sur laquelle estoit cét écriteau, Pensions
des espions, & vn autre sur laquelle estoit écrit,
Pour les Frondeurs conuertis, auec vn beau grand liure
couuert de Maroquin de Leuant rouge à fleurs
de lys d’or, chargé des armes du C. M. c’estoit le
registre des Mazarins & des Conuertis. Le C. M.
l’ouurit & le fit voir audit Duc de Loraine, en luy
disant Monsieur, pendant que V. A. a sejourné à
Paris, elle a apris les noms de quantité de Frondeurs,
qui font mesme la Cour à S. A. R. voyez si
vous ne trouuerez point leurs noms sur ce feuillet.
Aussi-tost le Duc de Loraine les ayant leus, leua
les épaules & s’escria, i’auouë que l’argent est le
veritable Dieu des hommes, il fait & deffait tout ;
& en suite dit, cela me semble vne vraye Blanque,
ie croy que tous ceux qui y tirent n’ameinent pas
beau ieu. Le Card. Il est vray, Monsieur, qu’il y

page précédent(e)

page suivant(e)