LE PLAISANT
RAILLEVR DE
la Cour.
Sur les affaires de ce temps.
LES railleries ont cela de propre
qu’elles entrent fort auant dans les
cœurs enyurez, & quoy qu’elles partent
souuent d’vn esprit indifferent,
si est ce toutes fois qu’elles font
quelquefois plus d’impressions que
le fer mesme. Cela me donne la hardiesse de parler
aux declameurs de ce temps qui comme vne
troupe enragée de grenoüilles ne font que nous
estourdir de leurs gazouillemens, sans sçauoir ny ce
qu’ils disent, ny ce qu’ils veulent persuader. Les
vns ont parlé du Parlement tantost en bien, tantost
en mal selon la fantaisie & l’inclination d’vn chacun :
Les autres ont censuré les actions des Princes,
& d’autres n’ont pas faict de difficulté de deschirer
les personnes sacrees & celles qui appartiennent de
plus prés à la Maison Royalle. dont ils ont fait des
sacrifices â leur colere & à la passion qui les emportoit :
Mais la pluspart ont bien monstré qu’ils auoiẽt
plus d’aigreur que d’intelligence, & qu’ils seruoient