GILLES Figule, l’vn des fameux Philosophes
de l’Antiquité, disoit qu’entre
tre deux signes du Zodiaque, qui sont le
Lion & les Balances, y a vne Vierge qui
s’appelle Iustice, laquelle demeura entre les hommes
au temps passé, & apres qu’elle fut bien ennuyée
d’eux, monta és Cieux. Ce Philosophe voulut
donner à entendre, que la Iustice est vne vertu
tant supreme & excellente, qu’elle surpassa la capacité
humaine, puis qu’elle voulut faire sa demeure
és hauts Cieux, ne trouuant personne (en Italie)
qui la voulust receuoir dans sa maison.

Mais depuis ce temps là, elle est redescenduë dans
la France, specialement dans ce grand Senat de cette
superbe Ville, où elle a trouué des Illustres Senateurs
beneuoles, pitoyables, patiens, zelateurs de
vertu, veritables & equitables ; la Iustice demeure
parmy eux, & auec vn teléclat, qu’elle donne de l’admiration
mesme aux Estrangers.