Anonyme [1652], ADVERTISSEMENT AVX BOVRGEOIS DE PARIS, POVR LES OBLIGER à retirer le Roy des mains du Cardinal Mazarin: Comme estant le plus insigne Magicien qui ait iamais paru en France. , françaisRéférence RIM : M0_451. Cote locale : B_11_28.
Section précédent(e)

ADVERTISSEMENT
AVX
BOVRGEOIS
DE PARIS,
POVR LES OBLIGER
à retirer le Roy des mains du
Cardinal Mazarin :

Comme estant le plus insigne Magicien
qui ait iamais paru en France.

A. PARIS,

M. DC. LII.

-- 2 --

-- 3 --

ADVERTISSEMENT
AVX
BOVRGEOIS
DE PARIS,
POVR LES OBLIGER A RETIRER
le Roy des mains du Cardinal Mazarin :

Comme estant le plus insigne Magicien qui
ait jamais paru en France.

DE tous les crimes dont on
peut accuser vn homme,
il ne s’en rencontre point
de si grand que celuy de la
Magie, & qui le fasse plustost, sans
ressource, precipiter dans les Enfers,
puis qu’en déniant à Dieu ses
honneurs & ses hommages, il reconnoist

-- 4 --

le diable pour son maistre,
qui dez ce monde s’en rend l’absolu
possesseur, comme il n’est que trop
manifeste par vn bon nombre d’histoires.
Le Cardinal Mazarin n’estoit
pas mesme dez sa jeunesse assez
noircy de vices, il ne luy restoit
plus que la Magie, dont il est infecté,
pour le rendre le plus abominable
criminel qui fut iamais au monde.
Ses frequentes communications
& ses intrigues auec celle que l’on
nomme la Petite Mere de la Place
Royale, accusée de ce malheureux
crime, en sont des preuues suffisantes,
que l’on peut voir dedans son
procez, qui est encore entre les
mains de Monsieur Barillon, dont
il n’y a que cinq ou six ans que la
Reine en ayant ouy parler, luy commanda
par deux fois, à quinze iours
d’interuale, de luy en faire l’extrait,

-- 5 --

ce qu’il ne fit pas. Il n’y a qu’à voir
le liure intituléCabale Infernale, qu’a
maintenant Monsieur l’Official, &
que Monsieur Petault a tenu deuant
luy, pour iuger des impietez & des
prodiges de cet ouurage abominable.
Il seroit encore à souhaitter que
la nommée Magdeleine Bauant conuaincuë
du mesme crime, luy fust
confrontée, & l’on apprendroit des
choses horribles & espouuantables,
de ce Cardinal. Enfin il ne faut point
chercher d’autres raisons pour le
conuaincre, & pour découurir les
abominations qu’il a pratiquées dans
Paris, que l’interrogation des nommés
Mazile, de la Noix, la Paillere,
de l’Estoile, Chastelain, & autres
que ceux-cy nous peuuent indiquer.
Il ne faut plus douter que ce ne soit
par le moyen de ses operations diaboliques
qu’il seduit l’esprit du Roy

-- 6 --

& de la Reine, & fait fléchir leurs
volontez aux siennes : L’on sçait assez
que le Roy outre sa Declaration
de son éloignement hors du Royaume,
a promis en son absence par
plusieurs fois de le faire retirer, à
quoy, ce Cardinal present, il ne se
peut resoudre, estant occupé de, ses
charmes. Il faut donc, chers Compatriotes,
pour retirer nostre ieune
Monarque de ses barbares mains,
& de la captiuité dans laquelle il
le tient, employer tous les moyens
possibles ; il ne faut point apprehender
d’y espancher son sang, puis
que c’est pour redonner la vie à
ce pauure Royaume, & nous
mettre à l’abry des miseres qui
nous accablent il y a si long temps :
Ce qui ne se peut faire sans la destruction
de ce Monstre Infernal.

 

Section précédent(e)


Anonyme [1652], ADVERTISSEMENT AVX BOVRGEOIS DE PARIS, POVR LES OBLIGER à retirer le Roy des mains du Cardinal Mazarin: Comme estant le plus insigne Magicien qui ait iamais paru en France. , françaisRéférence RIM : M0_451. Cote locale : B_11_28.