SVR LA DEVISE DV ROY,
dans ces Anagrames.

 

Cette Deuise par des nombres,
Où sont des secrets inoüys,
Fait que les Cesars sont des ombres,
Comparez au nom de LOVYS.

 

 

C’est le seul esclat des Monarques
Et pour bons yeux que nous ayons,
Ailleurs on ne voit point de marques
D’vn Chiffre si plein de rayons.

 

 

Si rare en est le caractere,
Et si rauissant les esprits,
Qu’on le prendroit pour vn mystere,
Si l’on en connoissoit le pris.

 

 

Prince, de qui les Armes iustes,
Vont amasser mille Lauriers,
Et qui par des titres augustes,
Serez l’honneur des grãds Guerriers.

 

 

Le Ciel benit vostre courage,
Esleué dessus les humains,
Et vostre nom est vn presage,
Que la Paix est dedans vos mains.