Saint-Julien,? [?] [1650], LE COVRRIER BVRLESQVE DE LA GVERRE DE PARIS, Enuoyé à Monseigneur le Prince de Condé, pour diuertir son Altesse durant sa prison. Ensemble tout ce qui se passa jusques au retour de Leurs Majestez. , françaisRéférence RIM : M0_814. Cote locale : A_9_9.
SubSect précédent(e)

SubSect suivant(e)

A MONSIEVR LE MARQVIS D’ALLVYE.

MONSIEVR,

Mon Courrier à son retour du Bois de Vincennes,
ayant desiré se pourmener dans Paris, dont il
estoit si proche, & ayant besoin de quelque asyle dans
cette ville, en vn temps qu’il est defendu à tous hostes
de receuoir aucun Estranger, s’est allé camper chez
vous, d’où il ne sortiroit pas pour le Pape. Vostre naissance
illustre, vostre rang à la Cour, vostre vertu, vostre
bonté, vostre generosite, &c. m’exempteront, s’il leur
plaist, d’vne Epistre dedicatoire, que ie ne sçaurois acheuer,
& qui ne vous feroit pas grand honneur, puis que
vous estes bien au dessus de tout ce que ie pourrois dire.
En vn mot ie vous enuoye mon Courrier, daignez
faire mettre son cheual à l’écurie, & luy dans vostre
appartement ; apres auoir parlé au plus grand & plus
affligé Prince du monde, il peut bien pretendre d’entretenir
vn Seigneur des plus accomplis. Mais de grace
encore vne fois ne m’obligez pas de vous faire vne Epistre
(que ie n’auois pas pourtant si mal commencée, &
dont la premiere periode estoit assez iuste) & n’esperez
pas que i’entreprenne moy seul de vous remercier icy
des bontez & des graces que vous auez partagées à
toute ma famille. Nennidà, il me suffit que ie vous
dédie, sans vous le dire en beaux termes : la verité ne
veut point de fard, & vous la verrez toute nuë dans
les dépesches de mon Courrier, que i’ay chargé de vous
asseurer que ie suis,

MONSIEVR.

Vostre tres-humble, & tres-obeïssans
seruiteur, A. B. C. D. E.

-- 4 --

SubSect précédent(e)

SubSect suivant(e)


Saint-Julien,? [?] [1650], LE COVRRIER BVRLESQVE DE LA GVERRE DE PARIS, Enuoyé à Monseigneur le Prince de Condé, pour diuertir son Altesse durant sa prison. Ensemble tout ce qui se passa jusques au retour de Leurs Majestez. , françaisRéférence RIM : M0_814. Cote locale : A_9_9.