Anonyme [1649], LA GAZETTE DE LA PLACE MAVBERT OV SVITTE DE LA Gazette des Halles. , français, patoisRéférence RIM : M0_1469. Cote locale : C_4_22.
LA GAZETTTE DE LA PLACE MAVBERT OV SVITTE DE LA Gazette des Halles. TOVCHANT LES SECONDE NOVVELLE. A PARIS, M. DC. XLIX.
LA GAZETTE DE LA Place Maubert, ou suitte de la Gazette des Halles. SECONDE NOVVELLE D. BARBE.
HOLA parle don la voiraine Dis moy des nouuelles cartaine Parle ton que i’ey on la paix Ou si l’on veut qu’à tou iamais, Ie soy on dedan la misaire Ma foy ie ne m’en puis plus taire Tu voi nous ne fezon plus rien Nous mangeon nostre petit bien En fesan tres-mauuaise chere A present gniacque les bouchere Qui gaignon & font du debit Et ne donnon rien à credit Ce n’est pas comme nos darée Que le guieble soit la marée En lieu que de faire nostre ou Nous n’amasser on que des poux Tu sçay n’en ne fait point caresme Iy renonce au mestier moy mesme Quoy s’il faut mange vn aran Faut que ie le poygions six blan Le pain bis les poas les nantilles Nourrienty nostre famille I’ayme bien mieux mangé du beu Et mer enfan chacun vn œu Que daieter de la moluë Car a present sont des gouluë
D. DENISE,
Ma foy tu as rairon commere Helas vos esquests ma pauure mere Sy encor au monde à l’estoit La pauure daronne mouroit Cestoit vn tarisible courage A faisoit le Guieble à son age Quoy qu’alle eust veu vn Mazarin Vn lantrecry vn assasin Enleué le Roy nostre maistre Alle lut bien enuoyé pastre Carre gardez la trahison Le soir des Rois à sa mairon Y fit faire la Commedie Pour mieux iouer sa parfidie Ce nocturne chien de hiboux Le diable luy trode le coux A luy & à son mal abille Qui veut a famé nostre ville Auec ses chien de Poulonois Qui pillons tour les villageois Ses boute feu dans les vilage Ses larsaineurs de puselage Ses gens qui ne cognoissons pas Pasque d’auecq le Mardy gras Son des guieble qui se deguise Pour veni pillé nos Eglise Enfin du mal il n’oublie rien Sinon celuy d’Etalian Qu’il reseruon pour leur bon maistre Ce parfide enragée de traistre Vt il le cul frotté de lard Ce ladre vilain gadoüart Il n’est pas encor où il panse Nous auons pour nostre defance Vn trop excellan Cheuallier
FIN.
AVTRE NOVVELLE
Dialogue. D. GRATIANE.
OR su la pay de Guieu soit donnée entre nouus Nous auons vu la veille ou trestou cõme louo Ie nous allien mangé & haché tout en piece Mais le tan est passé nou rentron en liesse Au Guieble soit donné ceux qui ont commencé.
DAME QVANTIANE.
Qu’ainsin soit, quainsin fut lon nauroit pas cassé La teste à nostre fils ces guiebles de creuices Ces gros bougres d’hardos, la peste soit les Suisses Si la Reine vouloit a men feroit raison Mais quoy il semble auar qui gnia que son garçon Et quil faut tout souffri pour estre pauure fame
D GRATIANE. Parguieu nen dit qua dit sortant de Nostre Dame D. QVANTIANE. Cela vint du Conlay de ce Ian tout a dre
Parguieu ie vous le dis tout haut & plat & net
D. GRATIANE. Ma foy n’en lieus auret bien taillé des croupiere D. QVAN. Parguié n’en dit de peur qu’il s’en euanoüy
|
Section précédent(e)
|
Anonyme [1649], LA GAZETTE DE LA PLACE MAVBERT OV SVITTE DE LA Gazette des Halles. , français, patoisRéférence RIM : M0_1469. Cote locale : C_4_22.