LA LISTE GENERALE DE TOVS
les morts & blessez, tant Mazarins que Bourgeois
de Paris, à la genereuse Resolution
faite à l’Hostel de Ville, pour la destruction
entiere des Mazarins.

Ensemble le sujet de l’institution de l’Ordre des
Cheualiers de la Paille, par l’Ordre de Messieurs
les Princes, & de Mademoiselle.

IL ne faut pas s’estonner si le Cardinal
Mazarin s’entretenant auec le Roy, en
lui parlant de l’inimitié que ce peuple
auoit contre luy, & contrefaisant l’ignorant,
dit au Roy qu’il n’auoit iamais donné suiet de
ce faire, quoy que ce traistre sçache entierement
le mal qu’il a tousiours fait à la France, &
voulant rasseurer le Roy de la perte de tant
d’hommes qu’il auoit fait à Charonne & à la
vallée de Fecan, tant du Regiment de la Marine
qu’aux autres, dont chacun en a veu des Relations
particulieres. Mais pour reuenir au discours
du Cardinal Mazarin fait au Roy, il luy
dit qu’il sçauoit encore Vnne rousse motte,

-- 4 --

Italien, qui ne se trafique point en France
mais il s’appelle ruse à bon François, il n’esperoit
pas que nos Bourgeois dussent prendre vne
si genereuse resolution, que d’entreprendre de
mettre le feu & brusler ceux qui sont de son
party pour en voir la fin entiere. C’est pourquoy
Ieudy quatriesme iour de Iuillet, Messieurs les
Princes auec Mademoiselle se transporterent
tous à l’Hostel de Ville, pour faire conclusion
de toùte l’assemblée, & faire vne Vnion generale
par ensemble : Et chacun desirant de voir
cette fin, & Mademoiselle estant contante de
voir cette amitié si grande pour le seruice du
Roy, & de Messieurs les Princes : Il fut conclud
ainsi qu’il auoit esté fait à la bataille derniere,
que tous les Soldats, sous la conduite de
Monsieur le Prince, porteroit vne reconnoissance
de leur partie ; sçauoir de la paille tous à
leur chappeau ; & Mademoiselle voyant le peuple
si animé au seruice de leur liberté, c’est à
dire, la Paix en ce Royaume : Elle ordonna que
chacun porteroit la paille au chapeau, tant que
la Paix fust faite, dont son Altesse Royale &
Messieurs les Princes, & aussi mademoiselle, en
portoient les premiers : Et que si aucun y auoit
qui ne voulust accepter cette belle marque, il

-- 5 --

seroit declaré Mazarin. L’assemblée estant finie,
les Princes & mademoiselle se retirerent
sans aucune satisfaction. Le peuple se souleuant
contre les Mazarins, le feu y fut mis, & chacun
animé de part & d’autre, se defenderent pour la
destruction entiere de cette engeance, l’ayant
bien fait paroistre par la mort de tant de braues
Bourgeois, & gens de merite, dont s’ensuiuent
les noms.

 

Monsieur Boulanger, blessé au bras gauche.

Monsieur de Ianury dit de Feran Conseiller
place Maubert, tué.

Monsieur de Precen Marchand de fer, ruë Galande,
dit la place Maubert, tué.

Le fils de Monsieur Flexelle, y a esté tué.

Le Vicaire de sainct Iean en Greue, fut brûlé
dans les flammes pensant se sauuer.

Celuy de sainct Sauueur pareillement bruslé.

Le Curé de sainct Barthelemy estropié d’vne
buche que l’on iettoit dans le feu.

Le Curé de sainct Syphorien blessé à la cuisse.

Le Vicaire de sainct Estienne n’eust aucun
mal, mais sa constance fut telle, qu’il demeura
trois heures entiere entre trois Archers de la ville

-- 6 --

qui estoient tuez, dont nous dirons les noms
cy dessous.

 

Le premier est Garualet dans la ruë des petits
Champs.

Le second est Maurice, à la ruë de Croisay,
proche la ruë des Celestins.

Le troisiesme est du faulx-bourg sainct Germain,
à la Marmite.

Plus Monsieur Yon Escheuin, blessé au bras.

Monsieur le Mair Greffier en l’Hostel de
Ville, blessé au bras.

Monsieur l’Enfant Marchand en la ruë sainct
Denis, blessé.

Le Preuost des Marchands fut blessé à l’espaule
par vn Archer ou quelque autre personne inconnuë,
dans leur deroute dont il demeura trois
heures sans dire mot, ne sçachant s’il contrefaisoit
le mort ou viuant : puis apres il reuint à luy,
& sortit par vne fenestre qui iette dans l’Eglise
du sainct Esprit, vis à vis du grand Autel, auec
les Escheuins.

Deux Crocheteurs demeurant l’vn & l’autre
dans la ruë de la Mortellerie au Coq, proche du
petit Iardinet, y ont estétuez.

Deux compagnons Coutelliers demeurant
dans la ruë de la Coutellerie, l’vn au Coutelas &

-- 7 --

l’autre à la Halebarde, y ont esté tuez.

 

Plus vn nommé Liégault blessé à la gorge
d’vn coup de mousquetade.

Deux Trompettes arriué de la part du Roy au
Preuost des Marchands, tuez & brulez se voulant
sauuer.

Vn Chanoiné du Sepulchre, Mazarin, tué.

Le Vicaire de sainct Leu sainct Gilles, blessé
à la cuisse d’vn coup de mousquet.

Vn Marchand de fer de la ruë sainct Martin
proche sainct Iulien le Menestrier, blessé.

Plusieurs porte-fez, Charbonnier, & autres
gens trauaillans sur le port, y ont esté blessez.

Monsieur Mathieu Medecin, demeurant
en la Montagne saincte Geneuiefue, blessé au
bras droit.

Deux Colonels Mazarin y estant incognito,
l’vn blessé à la cuisse & l’autre au costé.

-- 8 --