Seiziesme Fondement.
Bref on peut connoistre facilement les pernicieuses
intentions du Cardinal Mazarin, la reponse
qui fut donnée par son ordre, au nom de la Reyne
Regente, par le Chancelier de France, aux Seigneurs
enuoyez par le Parlement de Paris le 6. Iuillet
1648. excusant par icelle, la pauureté de l’Espagne,
en disant que la guerre de Catalogne coutoit
au Roy plusieurs millions, & que les Catalans ne
contribuoient aucunes choses aux troupes, ny mesme
aux vstanciles necessaires. Mais qu’il soit notoire
à tout le monde que la fidelité & amour auec
laquelle les Catalans seruent la France, se ressent
extremement de telles impostures, parce que la verité
est, que sans doute cette Prouince n’estant fertille
comme celles de France, & de plus consommée
& destruite des guerres intestines depuis
douze ans, les frais & degats qu’elle supporte continuellement
pour se conseruer à la France, sont
ceux qui suiuent premierement par les pacts & accords
faits entre le Roy & la Principauté, non seulement
ceux du païs fournissent aux soldats les
-- 24 --
vstanciles, mais encore leur donnent gratuitement
leur logement, le feu, l’huile, le vinaigre, la
chandelle, la paille ou le foin pour les cheuaux :
mais l’orge ou l’auoine valant communement en
ce pays-là, la mesure à raison de soixante sols, la
donne aux soldats pour vingt sols, & par ce moyen
les communautez & les particuliers s’apauurissent,
de plus & outre ce qui est dit, les paysans contribuent
bien souuent beaucoup au delà de l’entretien
des soldats : car apres les auoir logé long-temps
dans vne bourgade, les chefs offrent de déloger
d’icelle, à condition que l’on ne leur fasse payer,
ce qu’ils ont receu pour leur nourriture, sur quoy
les paysans afin de redimer à plusieurs & diuers
desordres qu’ils experimentent és logemens, se
tiennent pour contens & satisfaits de ce que l’on
leur doit, sans receuoir autre deniers que le délogement,
pour lequel les chefs se font donner & signer
vne quittance de ce qu’ils n’ont pas payé, &
plusieurs fois mesme apres cela, ils y demeurent encore,
ou bien il y rentre d’autres soldats, & tout ce
desordre prouient pour le manquement d’argent,
lequel n’est enuoyé en Catalogne auec telle quantité
cõme l’on veut faire à croire. En outre la Principauté
de Catalogne entretient continuellement
en campagne plus de deux mil hommes de pied &
cinq cens cheuaux, sans qu’il en couste rien au Roy,
& en ce, la ville de Barcelonne, employe tous les
-- 25 --
ans, septante & deux mille escus, la mesine Cité
de Barcelonne fait à toutes les campagnes des leuées
extraordinaires à ses despens, tantost de mil
hommes, tantost de cinq cens, & le mesme font
à proportion les autres villes & bourgades de Catalogne,
& ce, sans compter d’autres frais excessifs
qu’elle fait pour se fortifier dauantage contre
l’ennemy.
Il n’y a aussi presque aucune campagne que la
ville de Barcelonne & quelqu’autres communautez
& particuliers ne prestent (par faute d’argent)
aux Vice-Roys de grandes sommes, pour la subsistance
des troupes, & afin de ne faire memoire
du passé, suffit de dire ce que Barcelonne en vne
seule campagne, presta à Monsieur le Mareschal
de Schomberg, nonante mil escus Catalans.
Comment donc peut-on souffrir que pour faire
opposition à des preuues si notoires & pour excuser
la pauureté de l’Espargne, que le Cardinal fit
publier qu’il a enuoyé plusieurs millions en Catalogne,
estant à noter qu’vn million de France en
vaut deux en Catalogne, eu esgard que la monnoye
de Frãce double en Catalogne, & voudroit
neantmoins accuser les Catalans, qui auec tant
de fidelité vont se consommant incessamment,
afin de se conseruer sous l’obeïssance de la Monarchie
Françoise : Concluant donc, & auec verité
ce discours, l’on en tire nettement & sincerement,
-- 26 --
que pour faire le procez au Cardinal,
touchant les manquemens de son Ministere, les
preuues plus puissantes & expresses, sont celles
qui resultent du gouuernement qu’il a eu en Catalogne.
Laus Deo.