Cinquiesme Fondement.

Le Prince de Condé succeda au Comte de Harcourt
en son Office de Viceroy de Catalogne,
voulant dementir auec la denomination d’vn
grand & si fameux Prince, le peu d’assistance qu’il
donna à ses armes. Ce Prince essaya & tenta (encore
qu’auec peu de forces) le second Siege de
Lerida, & bien que la cause qui le contraignit de

-- 13 --

le leuer, fut de ce que quantité de ces soldats
estoient passez du costé des Ennemis, par faute
d’estre payez ; toutefois la cause plus principale
fut d’auoir receu aduis du sieur de Marca, contenant
que les Ennemis par des secrettes intelligences
qu’ils auoient en Barcelonne, souhaittoient
de faire vne entreprise sur icelle, & que son
Altesse ayant si peu de trouppes, s’il perseueroit au
siege de Lerida ; encore qu’il prist la place, c’estoit
hazarder Barcelone, & toute la Catalogne ; &
cõme il est certain qu’en telle occasion il ny auoit
en Barcelone aucun ombrage d’intelligence ; Aussi
est-il aisé à voir, que le sieur de Marca, prist
ce pretexte pour empescher la prise de Lerida ; ce
qu’il n’eust osé faire sans vn ordre superieur.