Huictiéme Fondement.

L’on descouure dauantage l’artifice du Cardinal,
considerant qu’il fit les nominations de Vice-Roy,
des personnes plus qualifiez de la Cour, comme
sont le Prince de Condé, le Comte de Harcourt,
& le Mareschal de Schomberg ; & que mesme

-- 16 --

il voulut nommer pour Vice-Roy son propre
frere le Cardinal de Saincte Cecile, afin de pouuoir
en tout temps alleguer vne particuliere affection
pour la conseruation de Catalogne, à laquelle
il auoit enuoyé des Vice-Roys si celebres, &
iusques à son frere. Toutesfois en cecy, qui semble
vne faueur, se renferme la plus grande malice
qui se peut imaginer, puis que donnant si peu d’assistance
à des Vice-Roys si fameux, ce fut de les
obliger seulement, comme ils firent, de sortir en
bref de Catalogne. Tous ces changemens de Vice-Roys
seruant de moquerie & de risée aux Ennemis
de la France, y en ayant eu en huit ans le
nombre de six differends, à sçauoir, Brezé, la Mothe,
Harcourt, Condé, Saincte Cecile, & Schomberg.
Il eut deux fins pour ce changement : l’vne,
pour faire perdre aux Catalans leur credit en France,
comme estant leur gouuernement insupportable
& difficile : l’autre, estoit d’hazarder cet Estat,
veu que le chemin ou la voye plus certaine pour
cela est le changement de tant de Vice-Roys ;
chargeãt tantost la Principauté auec de plus grandes
garnisons, tantost de primant auec ledit changement
l’Authorité Royale, & tantost rendant impossible
le rencontre du bon gouuernement ; puis
qu’à peine commençoit vn Vice-Roy d’estre instruit
ou habitué aux affaires de Catalogne, qu’aussi-tost
l’on y en enuoyoit vn autre, afin que par ce
moyen le tout ne fust que confusion, plainte, &
desordre.

 

-- 17 --