Quand nos Roys ont voulu faire le procès aux
Princes de leur sang, ils ont tousjours tenu les mesmes
procedures dont on poursuit les autres criminels,
estimant qu’ils ne doiuent pas moins de circonspection
pour ces Illustres coupables que leur
iustice en prescript pour tous leurs sujets vniformement,
où ils sont rapellez en leurs deuoir dans
vn temps prefix par des declarations scellées au
grand sceau comme par des actes comminatoires
ausquels s’ils ne satisfont pas, on porte des declarations
pures & simples au Parlement pour en
estre deliberé, & où souuent la precipitation du
conseil des Roys a trouué des obstacles inuincibles
en l’integrité des Iuges, ou quand les Roys
ont voulu proceder plus iuridiquement & plus

conformement aux loix du Royaume, ils ont remis
les pieces iustificatiues des crimes imposez
aux Princes du sang entre les mains de leur Procureur
general, ont fait informer & introduire
regulierement vn procez criminels qu’il n’intentoient
iamais sans en auoir des preuues euidentes.

Sub2Sect précédent(e)

Sub2Sect suivant(e)