C’est vne chose bien estrange que la tyrannie
que le Cardinal Mazarin a introduit en France
soit venuë iusques-là, qu’il soit permis à ses Emissaires,
quoi que bannis & condamnez aussi bien que
luy, de l’exercer indifferamment sur toutes sortes de
personnes auec impunité, & qu’il nous soit absolument
deffendu de nous plaindre auec toute sorte
de raison ; que les peuples ne soient pas seulement
suiets aux mesmes souffrances, pour lesquelles ce Ministre
a esté exillé ; mais que les Princes du Sang soiẽt
encores chassez par les persecutions qu’ils reçoiuent
à la Cour animée de l’esprit estranger, parce qu’ils
ne veulent point donner les mains à l’oppression
que le Conseil Mazarin du Roy nous prepare par le
restablissement de ce Monstre, sur le debris des
mieux intentionnés, & sur la perte generalle de
tout le Royaume.

Il n’est pas auiourd’huy permis à Monsieur le Duc
d’Orleans de dire son sentiment sur l’establissement
qu’on fait d’vn Conseil composé de personnes entierement

desvoüées à ce Ministre estranger. Il ne
luy est pas permis de dire qu’il s’estonne de trouuer
des personnes dans le Palais Royal, qu’on en auoit
chassé, pour leur mauuaise versation, & que l’on y
fait rentrer sans qu’il en ait eu connoissance, ny
comme Oncle du Roy, ny comme Lieutenant General
de la Couronne. On trouue mauuais que Son
A. R. se plaigne que Chasteauneuf soit assez effronté
malgré son sentiment, de se trouuer aupres de la
personne du Roy ; sçachant bien qu’il n’y est souffert
que parce qu’il s’est attaché nouuellement aux
interests du Cardinal Mazarin. On ne trouue pas
mauuais que ce nouuel amy de ce Ministre soit depuis
cette reconciliation, en despit des Princes du
Sang, dans le Conseil, & l’on approuue qu’vn tel
outrage soit fait au Sang Royal en la personne de
Messieurs les Princes, parce que c’est la satisfaction
d’vn Sicilen banny, d’vn Espagnol de naissance, &
d’vn ennemy declaré de l’Estat.

SubSect précédent(e)

SubSect suivant(e)