PROTESTATION CONTRE LA
premiere demission.

NOVS CESAR DVC DE VENDOSME, Gouuerneur
& Lieutenant general pour le Roy en Bretagne,
auec tous droits & pouuoir d’Amirauté audit pays,
recognoissons & declarons que bien que le iour d’hier 19. de ce
present mois de Decembre, ie me sois desmis par escrit & par
Acte passé pardeuant du Chesne & Taçonnet Notaires au
Chastelet de Paris, ce neantmoins ce que i’en ay fait n’a esté que
par forcce, ce qui se peut aisement croire, si l’on considere que
ladite demission a esté faite dans la prison du Donjon du bois de
Vincennes où ie suis encor à present retenu : où depuis pres de
cinq ans qu’il y a que i’y ay esté mis, i’ay souffert tous les tourments
& violences imaginables, & desquelles l’on m’a fait dire
que ie ne pouuois me garantir & obtenir ma liberté, qu’au prealable
ie n’eusse baille madite demission : contre laquelle ie proteste
de me pouruoir en temps & lieu & lors que le Roy sera hors
de l’obcession de Monsieur le Cardinal de Richelieu, seul autheur
de mon iniuste prison & de la ruine presque entiere de ma
maison, l’authorité duquel m’a forcé à faire ladite demission & à
faire cette protestation simplement de ma main, ne l’osant confier
à nul Notaire, ny faire recognoistre à ceux qui ont passé ladite
demission, de peur qu’ils ne cogneussent mon dessein, qui
estant sceu me priueroit & de la liberté & me continueroit dans
ma misere, comme aussi dans l’infaillible ruine de ma maison de
ma femme & de mes enfans : c’est ce qui m’empescha des hier
de faire la presente, ioint que ie desirois d’auoir des Notaires
soubs-signez, pardeuant lesquels i’ay fait faire la recognossance
cy-dessous transcripte & cy iointe, pour me seruir du tout moy &
les miens selon ce que nous verrons bon estre : en foy de quoy i’ay
escript & signé la presente protestation & declaration de ma
mains, que i’ay voulu estre certifiee & approuuee par ma femme,
Fait au Donjon au Chasteau du bois de Vincennes ce vingtiesme

-- 39 --

Decembre de l’an mil six cens trente entre dix & vne heures du
matin. Ainsi Signé CESAR DE VENDOSME.

 

Novs Françoise de Lorraine, Duchesse de Vendosme,
certifions à tous ceux qu’il appartiendra, que Monsieur
mon mary a escrit & signé de sa main le present papier, contenant
la veritable declaration de sa volonté & de la mienne sur
l’affaire de laquelle il traitte, laquelle en tout & par tout nous approuuons,
en foy dequoy nous auons escrit & signé de nostre
main le present. Fait au Donion du bois de Vincennes ce 20.
Decembre 1630. Ainsi signé FRANÇOISE DE LORRAINE.

Aviourd’huy est comparu pardeuant moy Gardenotte du
Roy nostre Sire au Chastelet de Paris soubs-signé, Monseigneur
Cesar de Vendosme, Duc dudit Vendosme, de present
estant au Donjon du Chasteau du bois de Vincennes, lequel a
declaré & recogneu auoir escrit & signé ce iourd’huy l’escrit cy-deuant,
& de l’autre part, contenant deux feuillets, celuy compris,
& que le contenu en iceluy escrit est son intention & volonté,
qu’il veut & entend sortir son plain & entier effet : ce fait du
consentement & approbation de Madame Françoise de Lorraine,
Duchesse de Vendosme son espouse, de luy authorisee pour
l’effet des presentes, laquelle a aussi declaré & declare qu’elle a
escrit & signé la recognoissance par elle faite de l’autre part, Promettans,
obligeans & respectiuement renonçans. Fait & passé
audit Donjon de Vincennes, presens Gabriel de Longueual Escuyer,
& escuyer de Monseigneur, de Pierre Forget son valet de
chambre, & de François Iutet Praticien à Paris, le Vendredy
auant midy 20. Decembre mil six cens trente. Et ont signé
CESAR DE VENDOSME, FRANCOISE DE LORRAINE,
de Longueual, Forget, Iutet Praticien & Iutet
Notaire.

-- 40 --