Anonyme [1649], SOMMAIRE DE LA DOCTRINE CVRIEVSE DV CARDINAL MAZARIN. PAR LVY DECLAREE EN VNE LETTRE qu’il escrit à vn sien Confident, pour se purger de l’Arrest du Parlement, & des Faicts dont il est accusé. Ensemble la response à icelle, par laquelle il est dissuadé de se representer au Parlement. , françaisRéférence RIM : M0_3683. Cote locale : E_1_81.
SubSect précédent(e)

SubSect suivant(e)

AV LECTEVR
SALVT.

AMY LECTEVR, Cette lettre du Cardinal Mazarin,
qui contient vn abregé de ses pernicieuses
Maximes, m’estant tombée entre les mains, i’ay
douté si ie deuois la donner au public, de crainte
que les simples n’y trouuassent de quoy se surprendre
par les faux appas de ce Ministre, & la couleur
de ses raisons : Mais apres les auoir bien considerées,
& recogneu que prises mesmes auec le sens
qu’il leur donne, elles font beaucoup plus pour sa condamnation
qu’elles ne sont capables de le iustifier, I’ay crû que ie ne deuois priuer
les Curieux de la satisfaction qu’ils pourront auoir par la lecture de
ces Maximes si extraordinaires, qui feront voir que ce n’est pas sans
raison, que ce Ministre tyran a attiré sur luy l’indignation de tous les
gens de bien. Et neantmoins comme il s’en trouue qui n’ont pas assez
de lumiere, pour penetrer sa malice à trauers des faux iours qu’il a donné
à sa conduite, ie te promets (cher Lecteur) à mon premier loisir la
response à ces pernicieuses Maximes ; par laquelle ie te feray voir, qu’il
n’y a iamais eu de Tyran, aussi inique qu’il aye pû estre, qui ait commencé
ses oppressions sur des fondemens si dangereux, que sont
ceux que le Cardinal Mazarin establit pour raison de sa Doctrine : me
reseruant encores de te descouurir pour lors les Maximes de sa Politique,
qu’il appelle Secrette, lesquelles ie te reserue pour ce temps,
Adieu Lecteur, & lis attentiuement.

-- 4 --

SubSect précédent(e)

SubSect suivant(e)


Anonyme [1649], SOMMAIRE DE LA DOCTRINE CVRIEVSE DV CARDINAL MAZARIN. PAR LVY DECLAREE EN VNE LETTRE qu’il escrit à vn sien Confident, pour se purger de l’Arrest du Parlement, & des Faicts dont il est accusé. Ensemble la response à icelle, par laquelle il est dissuadé de se representer au Parlement. , françaisRéférence RIM : M0_3683. Cote locale : E_1_81.