AV LECTEVR.

SI ie n’eusse esté diuerty par des affaires plus pressantes, la
Censure que ie te donne, n’auroit pas manqué de paroistre
en public, le mesme iour qu’on commença de vendre la Lettre.
Du depuis i’ay esté tousiours détourné du desir que i’en auois par
des sentimens qui me paroissoient assez raisonnables. Mais
voyant qu’on s’est mis en peine de luy répondre, & de la refuter
d’assez mauuaise grace ; & qu’outre cela on a fait encore vne Replique
tres-sotte à ce captieux Censeur : Ie croirois estre indigne
de viure, si ie laissois perdre vne si belle occasion que celle de les
desabuser tous trois ensemble ; & de leur apprendre par mesme
moyen, qu’vn quatriéme les peut détruire. Ie me prepare à mieux
faire, si l’on m’y oblige, & si l’on n’obserue pas le silence.
Adieu.

-- 3 --